श्रीः
श्रीवेंकटेशाय नमः
shrIH
shrIveMkaTeshAya namaH
श्रीवेंकटेशद्वादशनामस्तोत्रम्
shrIveMkaTeshadvAdashanAmastotram
अस्य श्रीवेंकटेशद्वादशनामस्तोत्रमहामन्त्रस्य ब्रह्मा ऋषिः अनुष्टुप् छंदः
श्रीवेंकटेश्वरो देवता ।
इष्टार्थे विनियोगः । ।
asya shrIveMkaTeshadvAdashanAmastotramahAmantrasya brahmA RRiShiH anuShTup ChaMdaH
shrIveMkaTeshvaro devatA |
iShTArthe viniyogaH | |
नारायणो जगन्नाथो वारिजासनवन्दितः ।
स्वामिपुष्करिणीवासी शङ्खचक्रगदाधरः । । १ । ।
nArAyaNo jagannAtho vArijAsanavanditaH |
svAmipuShkariNIvAsI sha~NkhachakragadAdharaH | | 1 | |
पीताम्बरधरो देवो गरुडासनशोभितः ।
कन्दर्पकोटिलावण्यः कमलायतलोचनः । । २ । ।
pItAmbaradharo devo garuDAsanashobhitaH |
kandarpakoTilAvaNyaH kamalAyatalochanaH | | 2 | |
इन्दिरापतिगोविन्दः चन्द्रसूर्यप्रभाकरः ।
विश्वात्मा विश्वलोकेशो जयश्रीवेंकटेश्वरः । । ३ । ।
indirApatigovindaH chandrasUryaprabhAkaraH |
vishvAtmA vishvalokesho jayashrIveMkaTeshvaraH | | 3 | |
एतद्द्वादशानामानि त्रिसन्ध्यं यः पठेन्नरः ।
दारिद्र्यदुःखनिर्मुक्तो धनधान्यसमृद्धिमान् । । ४ । ।
etaddvAdashAnAmAni trisandhyaM yaH paThennaraH |
dAridryaduHkhanirmukto dhanadhAnyasamRRiddhimAn | | 4 | |
जनवश्यं राजवश्यं सर्वकामार्थसिद्धिदम् ।
दिव्यतेजः समाप्नोति दीर्घमायुश्च विन्दति । । ५ । ।
janavashyaM rAjavashyaM sarvakAmArthasiddhidam |
divyatejaH samApnoti dIrghamAyushcha vindati | | 5 | |
ग्रहरोगादिनाशं च कामितार्थफलप्रदम् ।
इह जन्मनि सौख्यं च विष्णुसायुज्यमाप्नुयात् । । ६ । ।
graharogAdinAshaM cha kAmitArthaphalapradam |
iha janmani saukhyaM cha viShNusAyujyamApnuyAt | | 6 | |
। । इति ब्रह्माण्डपुराणे ब्रह्मनारदसंवादे वेंकटेशद्वादशनामस्तोत्रं सम्पुर्णम् । ।
| | iti brahmANDapurANe brahmanAradasaMvAde veMkaTeshadvAdashanAmastotraM sampurNam | |
Retyped in UNIC by Vishnudut1926,
from the scanned version of
"SHREE VENKATESHA KAVYA KALPAHA",
Tirumala Tirupati, 1943
(page 114),
link to the Book -
