Thanks very much to http://prapatti.com/ and the greatest gratitudes to this site Owners, because the following variant is based on the Sanskrit version from http://prapatti.com/
श्रीः
श्रीमते निगमान्तमहादेशिकाय नमः
श्रीमान् वेङ्कटनाथार्यः कवितार्किककेसरी ।
वेदान्ताचार्यवर्यो मे सन्निधत्तां सदा हृदि। ।
shrIH
shrImate nigamAntamahAdeshikAya namaH
shrImAn ve~NkaTanAthAryaH kavitArkikakesarI |
vedAntAchAryavaryo me sannidhattAM sadA hRRidi| |
। । श्री अष्टभुजाष्टकम् । ।
| | shrI aShTabhujAShTakam | |
श्रीः
श्रीमते रामानुजाय नमः
श्रीमते निगमान्तमहादेशिकाय नमः
shrIH
shrImate rAmAnujAya namaH
shrImate nigamAntamahAdeshikAya namaH
। । श्री अष्टभुजाष्टकम् । ।
| | shrI aShTabhujAShTakam | |
श्रीमान् वेङ्कटनाथार्यः कवितार्किककेसरी ।
वेदान्ताचार्यवर्यो मे सन्निधत्तां सदा हृदि । ।
shrImAn ve~NkaTanAthAryaH kavitArkikakesarI |
vedAntAchAryavaryo me sannidhattAM sadA hRRidi | |
गजेन्द्र रक्षा त्वरितं भवन्तं
ग्राहैरिवाहं विषयैर्विकृष्टः ।
अपार विज्ञान दयानुभावम्
आप्तं सतामष्टभुजं प्रपद्ये । । १ । ।
gajendra rakShA tvaritaM bhavantaM
grAhairivAhaM viShayairvikRRiShTaH |
apAra vij~nAna dayAnubhAvam
AptaM satAmaShTabhujaM prapadye | | 1 | |
त्वदेक शेषोऽहमनात्म तन्त्र:
त्वत्पाद लिप्सां दिशता त्वयैव ।
असत्समोऽप्यष्टभुजास्पदेश
सत्तां इदानीं उपलम्भितोऽस्मि । । २ । ।
tvadeka sheSho.ahamanAtma tantra:
tvatpAda lipsAM dishatA tvayaiva |
asatsamo.apyaShTabhujAspadesha
sattAM idAnIM upalambhito.asmi | | 2 | |
स्वरुप रुपास्त्र विभूषणाद्यैः
परत्व चिन्तां त्वयि दुर्निवाराम् ।
भोगे मृदूपक्रमतामभीप्सन्
शीलादिभिर्वारयसीव पुंसाम् । । ३ । ।
svarupa rupAstra vibhUShaNAdyaiH
paratva chintAM tvayi durnivArAm |
bhoge mRRidUpakramatAmabhIpsan
shIlAdibhirvArayasIva puMsAm | | 3 | |
शक्तिं शरण्यान्तर शब्द भाजां
सारं च सन्तोल्य फलान्तराणाम् ।
त्वद्दास्य हेतोस्त्वयि निर्विशङ्कं
न्यस्तात्मनां नाथ बिभर्षि भारम् । । ४ । ।
shaktiM sharaNyAntara shabda bhAjAM
sAraM cha santolya phalAntarANAm |
tvaddAsya hetostvayi nirvisha~NkaM
nyastAtmanAM nAtha bibharShi bhAram | | 4 | |
अभीति हेतो रनुवर्तनीयं
नाथ त्वदन्यं न विभावयामि ।
भयं कुतः स्यात् त्वयि सानुकम्पे
रक्षा कुतः स्यात् त्वयि जात रोषे । । ५ । ।
abhIti heto ranuvartanIyaM
nAtha tvadanyaM na vibhAvayAmi |
bhayaM kutaH syAt tvayi sAnukampe
rakShA kutaH syAt tvayi jAta roShe | | 5 | |
त्वदेक तन्त्रं कमलासहाय
स्वेनैव मां रक्षितुं अर्हसि त्वम् ।
त्वयि प्रवृत्ते मम किं प्रयासै:
त्वय्यप्रवृत्ते मम किं प्रयासै: । । ६ । ।
tvadeka tantraM kamalAsahAya
svenaiva mAM rakShituM arhasi tvam |
tvayi pravRRitte mama kiM prayAsai:
tvayyapravRRitte mama kiM prayAsai: | | 6 | |
समाधि भङ्गेष्वपि संपतत्सु
शरण्य भूते त्वयि बद्ध कक्ष्ये ।
अपत्रपे सोढुं अकिञ्चनोऽहं
दूराधिरोहं पतनं च नाथ । । ७ । ।
samAdhi bha~NgeShvapi saMpatatsu
sharaNya bhUte tvayi baddha kakShye |
apatrape soDhuM aki~nchano.ahaM
dUrAdhirohaM patanaM cha nAtha | | 7 | |
प्राप्ताभिलाषं त्वदनुग्रहान्मां
पद्मा निषेव्ये तव पाद पद्मे ।
आदेहपातात् अपराध दूरम्
आत्मान्त कैङ्कर्य रसं विधेयाः । । ८ । ।
prAptAbhilAShaM tvadanugrahAnmAM
padmA niShevye tava pAda padme |
AdehapAtAt aparAdha dUram
AtmAnta kai~Nkarya rasaM vidheyAH | | 8 | |
प्रपन्न जन पाथेयं प्रपित्सूनां रसायनम् ।
श्रेयसे जगतामेतत् श्रीमदष्टभुजाष्टकम् । । ९ । ।
prapanna jana pAtheyaM prapitsUnAM rasAyanam |
shreyase jagatAmetat shrImadaShTabhujAShTakam | | 9 | |
शरणागत सन्त्राण त्वरा द्विगुण बाहुना ।
हरिणा वेङ्कटेशीया स्तुतिः स्वीक्रियतामियम् । । १० । ।
sharaNAgata santrANa tvarA dviguNa bAhunA |
hariNA ve~NkaTeshIyA stutiH svIkriyatAmiyam | | 10 | |
। । इति श्री अष्टभुजाष्टकं समाप्तम् । ।
| | iti shrI aShTabhujAShTakaM samAptam | |
कवितार्किकसिंहाय कल्याणगुणशालिने ।
श्रीमते वेङ्कटेशाय वेदान्तगुरवे नमः । ।
kavitArkikasiMhAya kalyANaguNashAline |
shrImate ve~NkaTeshAya vedAntagurave namaH | |
Retyped in UNIC by Vishnudut1926,
Thanks very much to http://prapatti.com/
and the greatest gratitudes to this site Owners,
because the following variant is based
on Sanskrit version from http://prapatti.com/
