среда, 1 января 2014 г.

Nandakumar Ashtakam by Shree Shreemad Vallabha-Acharya


सुन्दरगोपालम् उरवनमालं नयनविशालं दुःखहरम् ।
वृन्दावनचन्द्रमानन्दकन्दं परमानन्दं धरणिधरम् ॥
वल्लभघनश्यामं पूर्णकामम् अत्यभिरामं प्रीतिकरम् ।
भज नन्दकुमारं सर्वसुखसारं तत्त्वविचारं ब्रह्मपरम् ॥१॥

sundaragopAlam uravanamAlaM nayanavishAlaM duHkhaharam |
vRRindAvanachandramAnandakandaM paramAnandaM dharaNidharam ||
vallabhaghanashyAmaM pUrNakAmam atyabhirAmaM prItikaram |
bhaja nandakumAraM sarvasukhasAraM tattvavichAraM brahmaparam ||1||

सुन्दरवारिजवदनं निर्जितमदनम् आनन्दसदनं मुकुटधरम् ।
गुञ्जाकृतिहारं विपिनविहारं परमोदारं चीरहरम् ॥
वल्लभपटपीतं कृतउपवीतं करनवनीतं विबुधवरं ।
भज नन्दकुमारं सर्वसुखसारं तत्त्वविचारं ब्रह्मपरम् ॥२॥

sundaravArijavadanaM nirjitamadanam AnandasadanaM mukuTadharam |
gu~njAkRRitihAraM vipinavihAraM paramodAraM chIraharam ||
vallabhapaTapItaM kRRitaupavItaM karanavanItaM vibudhavaraM |
bhaja nandakumAraM sarvasukhasAraM tattvavichAraM brahmaparam ||2||

शोभितमुखधूलं यमुनाकूलं निपट_अतूलं सुखदतरम् ।
मुखमण्डितरेणुं चारितधेनुं वादितवेणुं मधुरसुरम् ॥
वल्लभमतिविमलं शुभपदकमलं नखरुचिअमलं तिमिरहरं ।
भज नन्दकुमारं सर्वसुखसारं तत्त्वविचारं ब्रह्मपरम् ॥३॥

shobhitamukhadhUlaM yamunAkUlaM nipaTa_atUlaM sukhadataram |
mukhamaNDitareNuM chAritadhenuM vAditaveNuM madhurasuram ||
vallabhamativimalaM shubhapadakamalaM nakharuchiamalaM timiraharaM |
bhaja nandakumAraM sarvasukhasAraM tattvavichAraM brahmaparam ||3||

शिरमुकुटसुदेशं कुञ्चितकेशं नटवरवेशं कामवरम् ।
मायाकृतमनुजं हलधर_अनुजं प्रतिहतदनुजं भारहरम् ॥
वल्लभव्रजपालं सुभगसुचालं हितमनुकालं भाववरं ।
भज नन्दकुमारं सर्वसुखसारं तत्त्वविचारं ब्रह्मपरम् ॥४॥

shiramukuTasudeshaM ku~nchitakeshaM naTavaraveshaM kAmavaram |
mAyAkRRitamanujaM haladhara_anujaM pratihatadanujaM bhAraharam ||
vallabhavrajapAlaM subhagasuchAlaM hitamanukAlaM bhAvavaraM |
bhaja nandakumAraM sarvasukhasAraM tattvavichAraM brahmaparam ||4||

इन्दीवरभासं प्रकटसुरासं कुसुमविकासं वंशिधरम् ।
हृतमन्मथमानं रूपनिधानं कृतकलगानं चित्तहरम् ॥
वल्लभमृदुहासं कुञ्जनिवासं विविधविलासं केलिकरं ।
भज नन्दकुमारं सर्वसुखसारं तत्त्वविचारं ब्रह्मपरम् ॥५॥

indIvarabhAsaM prakaTasurAsaM kusumavikAsaM vaMshidharam |
hRRitamanmathamAnaM rUpanidhAnaM kRRitakalagAnaM chittaharam ||
vallabhamRRiduhAsaM ku~njanivAsaM vividhavilAsaM kelikaraM |
bhaja nandakumAraM sarvasukhasAraM tattvavichAraM brahmaparam ||5||

अतिपरप्रवीणं पालितदीनं भक्ताधीनं कर्मकरम् ।
मोहनमतिधीरं फणिबलवीरं हतपरवीरं तरलतरम् ॥
वल्लभव्रजरमणं वारिजवदनं हलधरशमनं शैलधरं ।
भज नन्दकुमारं सर्वसुखसारं तत्त्वविचारं ब्रह्मपरम् ॥६॥

atiparapravINaM pAlitadInaM bhaktAdhInaM karmakaram |
mohanamatidhIraM phaNibalavIraM hataparavIraM taralataram ||
vallabhavrajaramaNaM vArijavadanaM haladharashamanaM shailadharaM |
bhaja nandakumAraM sarvasukhasAraM tattvavichAraM brahmaparam ||6||

जलधरद्युतिअङ्गं ललितत्रिभङ्गं बहुकृतरङ्गं रसिकवरम् ।
गोकुलपरिवारं मदनाकारं कुञ्जविहारं गूढतरम् ॥
वल्लभव्रजचन्द्रं सुभगसुछन्दं कृतआनन्दं भ्रान्तिहरं ।
भज नन्दकुमारं सर्वसुखसारं तत्त्वविचारं ब्रह्मपरम् ॥७॥

jaladharadyutia~NgaM lalitatribha~NgaM bahukRRitara~NgaM rasikavaram |
gokulaparivAraM madanAkAraM ku~njavihAraM gUDhataram ||
vallabhavrajachandraM subhagasuChandaM kRRitaAnandaM bhrAntiharaM |
bhaja nandakumAraM sarvasukhasAraM tattvavichAraM brahmaparam ||7||

वन्दितयुगचरणं पावनकरणं जगदुद्धरणं विमलधरम् ।
कालियशिरगमनं कृतफणिनमनं घातितयमनं मृदुलतरम् ॥
वल्लभदुःखहरणं निर्मलचरणम् अशरणशरणं मुक्तिकरं ।
भज नन्दकुमारं सर्वसुखसारं तत्त्वविचारं ब्रह्मपरम् ॥८॥

vanditayugacharaNaM pAvanakaraNaM jagaduddharaNaM vimaladharam |
kAliyashiragamanaM kRRitaphaNinamanaM ghAtitayamanaM mRRidulataram ||
vallabhaduHkhaharaNaM nirmalacharaNam asharaNasharaNaM muktikaraM |
bhaja nandakumAraM sarvasukhasAraM tattvavichAraM brahmaparam ||8||