"Shree Padmavati Stotram" is MASTERPIECE. Now in my Bhakti-Sadhana forever.
। । श्रीपद्मावतीस्तोत्रम् । ।
| | shrIpadmAvatIstotram | |
श्रीः
श्रीमते निगमान्तमहादेशिकाय नमः
श्रीमान् वेङ्कटनाथार्यः कवितार्किककेसरी |
वेदान्ताचार्यवर्यो मे सन्निधतां सदा हृदि ॥
shrIH
shrImate nigamAntamahAdeshikAya namaH
shrImAn ve~NkaTanAthAryaH kavitArkikakesarI |
vedAntAchAryavaryo me sannidhatAM sadA hRRidi ||
श्रीः
श्रीमतेरामानुजाय नमः
shrIH
shrImaterAmAnujAya namaH
। । श्रीपद्मावतीस्तोत्रम् । ।
| | shrIpadmAvatIstotram | |
विष्णुपत्नि जगन्मातः विष्णुवक्षः स्थलस्थिते ।
पद्मासने पद्महस्ते पद्मावति नमोऽस्तु ते । । १ । ।
viShNupatni jaganmAtaH viShNuvakShaH sthalasthite |
वेङ्कटेशप्रिये पूज्ये क्षीराब्धितनये शुभे ।
पद्मे रमे लोकमातः पद्मावति नमोऽस्तु ते । । २ । ।
ve~NkaTeshapriye pUjye kShIrAbdhitanaye shubhe |
padme rame lokamAtaH padmAvati namo.astu te | | 2 | |
कल्याणि कमले कान्ते कल्याणपुरनायिके ।
कारुण्यकल्पलतिके पद्मावति नमोऽस्तु ते । । ३ । ।
kalyANi kamale kAnte kalyANapuranAyike |
kAruNyakalpalatike padmAvati namo.astu te | | 3 | |
सहस्रदळपद्मस्थे कोटिचन्द्रनिभानने ।
पद्मपत्रविशालाक्षि पद्मावति नमोऽस्तु ते । । ४ । ।
sahasradaLapadmasthe koTichandranibhAnane |
padmapatravishAlAkShi padmAvati namo.astu te | | 4 | |
सर्वज्ञे सर्ववरदे सर्वमङ्गळदायिनि ।
सर्वसम्मानिते देवि पद्मावति नमोऽस्तु ते । । ५ । ।
sarvaj~ne sarvavarade sarvama~NgaLadAyini |
sarvasammAnite devi padmAvati namo.astu te | | 5 | |
सर्वहृद्दहरावासे सर्वपापभयापहे ।
अष्टैश्वर्यप्रदे लक्ष्मि पद्मावति नमोऽस्तु ते । । ६ । ।
sarvahRRiddaharAvAse sarvapApabhayApahe |
aShTaishvaryaprade lakShmi padmAvati namo.astu te | | 6 | |
देहि मे मोक्षसाम्राज्यं देहि त्वत्पाददर्शनम् ।
अष्टैश्वर्यं च मे देहि पद्मावति नमोऽस्तु ते । । ७ । ।
dehi me mokShasAmrAjyaM dehi tvatpAdadarshanam |
aShTaishvaryaM cha me dehi padmAvati namo.astu te | | 7 | |
नक्रश्रवणनक्षत्रे कृतोद्वाहमहोत्सवे ।
कृपया पाहि नः पद्मे त्वद्भक्तिभरितान् रमे । । ८ । ।
nakrashravaNanakShatre kRRitodvAhamahotsave |
kRRipayA pAhi naH padme tvadbhaktibharitAn rame | | 8 | |
इन्दिरे हेमवर्णाभे त्वां वन्दे परमात्मिकाम् ।
भवसागरमग्नं मां रक्ष रक्ष महेश्वरि । । ९ । ।
indire hemavarNAbhe tvAM vande paramAtmikAm |
bhavasAgaramagnaM mAM rakSha rakSha maheshvari | | 9 | |
कल्याणपुरवासिन्यै नारायण्यै श्रियै नमः ।
श्रुतिस्तुति प्रगीतायै देवदेव्यै च मङ्गळम् । । १० । ।
kalyANapuravAsinyai nArAyaNyai shriyai namaH |
shrutistuti pragItAyai devadevyai cha ma~NgaLam | | 10 | |
। । इति श्रीपद्मावतीस्तोत्रम् समाप्तम् । ।
| | iti shrIpadmAvatIstotram samAptam | |
Retyped in UNIC by Vishnudut1926,
Thanks very much to http://prapatti.com/
and the greatest gratitudes to this site Owners,
because the following variant is based
on Sanskrit version from http://prapatti.com/
